પોલીસ ભરતીમાં ભ્રષ્ટાચાર ડામવા બાયોમેટ્રિક સિસ્ટમ (police bharti)

admin — Wed, 20 Jan 2010 15:51:59 +0000

ગુજરાત પોલીસની જુદી જુદી કેડરની ખાલી પડેલી ૧૪૩૬૫ જગ્યાઓ માટે આવતીકાલને બુધવારથી ભરતી પ્રક્રિયા શરૃ કરવામાં આવશે. જેમાં ડમી ઉમેદવાર ઝડપી લેવા ઉપરાંત ભ્રષ્ટાચાર ડામવાના હેતુ સર બાયોમેટ્રિક સિસ્ટમ દાખલ કરવામાં આવી છે. જેમાં દરેક ઉમેદવારની શારીરિક ક્ષમતા કસોટી, લેખિત કસોટી અને મૌખિક કસોટી એમ ત્રણે વખતે ઉમેદવારોની આંગળીની છાપ લેવામાં આવશે.

બિનહથિયારી પોલીસ સબ ઇન્સ્પેક્ટર: ૬૮૦
હથિયારી પોલીસ સબ ઇન્સ્પેક્ટર: ૧૪૩
ઇન્ટેલિજન્સ ઓફિસર-૪૪
લોક રક્ષક-૮૭૩૪
એસઆરપી લોક રક્ષક-૪૨૬૪
જેલ સિપાહી ૫૦૦

ગુજરાત પોલીસ દળમાં ખાલી પડેલી બિનહથિયારી પોલીસ સબ ઇન્સ્પેક્ટર-૬૮૦, હથિયારી પોલીસ સબ ઇન્સ્પેક્ટર-૧૪૩, ઇન્ટેલિજન્સ ઓફિસર-૪૪, લોક રક્ષક-૮૭૩૪, એસઆરપી લોક રક્ષક-૪૨૬૪ તથા જેલ સિપાહીની ૫૦૦ જગ્યા ભરવા માટે ચાર ભરતી બોર્ડની રચના કરવામાં આવી છે. દરેક ભરતી બોર્ડના અધ્યક્ષ તરીકે ઉચ્ચ પોલીસ અધિકારીઓની નિમણૂક કરવામાં આવી છે. દરેક કેડરની ભરતીને શારીરિક માપ કસોટી, લેખિત પરીક્ષા અને મૌખિક પરીક્ષા એમ ત્રણ ભાગમાં વહેંચવામાં આવી છે.

આવતી કાલને બુધવારના રોજથી શરૃ થતી અલગ અલગ કેડરની ભરતી પ્રક્રિયાની શારીરિક ક્ષમતાની કસોટી બાદ તરત જ લેખિત પરીક્ષા લેવાનું આયોજન કરવામાં આવ્યું છે. કોઇ પણ ઉમેદવારને દોડ કસોટીમાં અન્યાય ન થાય તે માટે અન્ય રાજ્યોની જેમ ખાનગી એજન્સીની મદદથી ઇહ્લૈંડ્ઢ બેલ્ટ સિસ્ટમ દાખલ કરવામાં આવી છે. ઇહ્લૈંડ્ઢ બેલ્ટની મદદથી ઉમેદવારની દોડ પૂરી કરવાનો ચોક્કસ સમય જાણી શકાશે. આ ઉપરાંત ભરતી પ્રક્રિયા સુઆયોજિત રીતે થાય તે માટે શારીરિક ક્ષમતાની કસોટી માટે કુલ ૧૨ કેન્દ્રો તથા જેલ સિપાહીની ભરતી માટે ૬ કેન્દ્રો નક્કી કરવામાં આવ્યાં છે.

ઉમેદવારોની મૂંઝવણો અને સમસ્યાઓ દૂર કરવા માટે પોલીસ ભવન ગાંધીનગર ખાતે હેલ્પ સેન્ટર શરૃ કરવામાં આવ્યું છે. જેનો નંબર ૦૭૯ ૨૩૨૫૪૨૩૧ છે.

Share/Save

JobberClub » jain sipahi

પોલીસ ભરતીમાં ભ્રષ્ટાચાર ડામવા બાયોમેટ્રિક સિસ્ટમ (police bharti)